Ante a información nesgada que están a recibir algunhas sociedades de caza, por parte de empresas e outros particulares, a Federación Galega de Caza informa que soamente poderán estar federadas as sociedades de cazadores que se atopen inscritas no Rexistro de Entidades Deportivas da Secretaría Xeral para o Deporte, requisito establecido pola propia Lei do Deporte de Galicia.

Existen outras opcións para a inscrición de sociedades, pero estas non gozarían das vantaxes de estar federadas, entroutras moitas, cabe sinalar:

• Asesoramento xurídico.
• Asesoramento administrativa e contable.
• Clube Exclusivo para cazadores federados con descontos especiais en psicotécnicos, armerías, veterinarios, pensos, hoteis, etc.
• Licencias para uso de emisoras de radiofrecuencia.
• Ampla oferta en Seguros de Responsabilidade Civil dos Tecor, con incorporación de novas entidades aseguradoras.
• Revista Galicia Cinexética gratuíta, tódolos meses.
• Revista Federcaza gratuíta, tódolos meses.
• Trámite de Licencias de Caza para tódalas CCAA.
• Axuda económica por federados.
• Elector e elixible para os órganos de goberno e representación da federación.

En canto á  responsabilidade dos directivos e socios das sociedades, estas son idénticas,  independentemente do rexistro no que estean inscritas, e independentemente de se son federadas ou non.

E por último, lembrar que a nova Lei do Deporte, á que as sociedades deben adapta-los seus estatutos antes do vindeiro 14 de abril, no fondo apenas modifica os estatutos que teñen a meirande parte das sociedades federadas. Estas sociedades poden dirixirse a calquera das oficinas federativas onde, de xeito gratuíto, ademais de facilitárlle-los modelos oficiais cumprimentaráselle a documentación que posteriormente revisará a Asesoría Xurídica da Federación.