Ante as informacións aparecidas nalgúns medios de comunicación sobre o suceso ocurrido en A Pobra a pasada fin de semana, que apuntan a un accidente de caza consecuencia dunha batida, a Sociedade de Cazadores Castelo de Vitres-Folgoso, e a Federación Galega de Caza piden prudencia ata que rematen as investigacións que está a levar a cabo a policia xudicial.
Os datos aos que tivo acceso a Federación Galega de Caza, non parecen sinalar que o accidente fora consecuencia da batida, xa que non se corresponden os horarios (a batida con armas empezou arredor das 16-17 da tarde mentre que o accidente foi ao medio día), nin tampouco a zona, pois o gancho desenvolvíase nun monte pertencente ao municipio de Boiro mentres que o accidente tivo lugar en Postmarcos, na Pobra, a uns 3-4 km. de distancia, tampouco o calibre, segundo as noticias que trascenderon, se correspondería co tipo de calibre que se utiliza na caza.
No obstante a pesares do anterior tanto a Sociedade de Caza como a Federación piden cautela ata que se determine o que ocorreu, e indican que a pesares de que o número de sinistros que se producen na caza é inferior aos que suceden en moitos outros deportes estes causan unha gran unha gran alarma social, por iso recoméndanlle aos cazadores que extremen, máis se cabe, a prudencia e as medidas de seguridade para disfrutar dunha xornada cinexética segura.
